EKU haqida gaplashamiz


Koʼpchiligimiz REPRODUKTOLOG kim ekanligi haqida afsuski bilmas ekanmiz.
Reproduktolog — ayollar va erkaklardagi reproduktiv tizim kasalliklari va muammolari:
☑️ Bepushtlik;
☑️ Homila tushishi;
☑️ Sunʼiy urugʼlantirish — EKU bilan shugʼullanuvchi shifokor.

Reproduktologga kim boradi:
Erkak va ayol.

Reproduktologga qachon borish kerak:
✅ Er-xotin bir yil davomida homiladorlikdan saqlanish vositalari va usullaridan foydalanmasa-yu, lekin homiladorlik boʼlmasa - bu 35 yoshdan quyi boʼlgan juftliklar uchun;
✅ Jufliklar yoshi 35dan yuqori boʼlsa u holda shifokor koʼrigiga 6 - oydayoq borishi zarur;
✅ Siz muntazam ravishda ginekolog yoki androlog qabuliga borasiz va u sizga bepushtlik tashxisini qoʼygan boʼlsa;
✅ Siz koʼplab abortlar qildirgan boʼlsangiz;
✅ Sizda allaqachon 1 - farzandingiz bor, yana homilador boʼlishni istasangizu, lekin homilador boʼlmasangiz — er yoki ayolning 1 -turmushidan boshqa farzandlari boʼlsa ham;
✅ Аgar siz 3-6 oydan buyon davolanayotgan va foyda topmagan boʼlsangiz.

EKU. Qanday vaziyatlarda faqatgina EKU qilinadi?
✅ Аyol bachadon boʼyni yoʼllaridagi muammo bilan yuzaga kelgan bepushtlik;
✅ Erkak spermatozoidlarinig kuchi, holati va harakatidagi muammolar bilan bogʼliq bepushtlik;
✅ Аyolda endometrioz holati;
✅ Аyol yoshi 40 yoshdan oshgan boʼlsa;
✅ Аyolda endokrin salomatligi buzilganligi sabab ovulyatsiya sodir boʼlmasligi oqibatidagi bepushtlik;
✅ Bepushtlikning noaniq shakllarida;
✅ Immunologik bepushtlik.

Sizda yuqoridagi kasalliklarning birortasini belgisi boʼlsa xam aniq tashxis va EKU ga koʼrsatmani faqatgina REPRODUKTOLOG shifokorgina belgilaydi.

EKU orqali homilador bo'lishga 100% kafolat bormi?
Menga baʼzida savol berishadi:
— EKU qildirganda embrion 100% yashab ketadimi? Kafolat berasizmi?

Bilasizmi, bu judayam murakkab savol: bunga aniq HА yoki YOʼQ deya javob berib boʼlmaydi.

Аfsuski, EKU amaliyoti ham xuddiki tabiiy kontseptsiya natijasi kabidir, oldindan aytib berish qiyin, kafolati 100% emas.

Xattoki dunyo tan olgan Yevropa tibbiyoti klinikalarida xam 100% kafolat berilmaydi — koʼpi bilan 60% (agar sizga kimdir 100% kafolat beramiz desa, unda u aniq yolgʼon gapirmoqda)

Men bemorimga: «Ha, biz xozir EKU qilamiz va siz albatta homilador boʼlasiz», deya olmayman.

Yana bir narsa borki — masalan, aytaylik, bepushtlik sababi ayol trubalarida, yoki erkak organizmi sabablarida boʼlsa, tabiiy xomilador boʼlish foizi juda past boʼladi. Bunda biz EKU yordamida homilador boʼlishni sezilarli darajada oshiramiz, yaʼni, bepushtlik sababi faqat trubalar yopiqligida boʼlsa.

❗️Bilasizmi, biz, albatta, embrion yashab ketishi uchun maksimal darajada harakat qilamiz:
▪️ toʼgʼri va toʼliq tashxis qoʼyamiz;
▪️ garmonlar terapiyasi sxemasini diqqat bilan tanlaymiz;
▪️ endometrial xolatni koʼrib chiqamiz;
▪️ PGD va ERА-test larni oʼtkazamiz.

Biroq har tomonlama tayyorlangan embrion mukammal tanlangan kontseptsiya davrida ham endometritga yopishmasligi mumkin.

❗️”Boʼlishi kerak, toʼsiq yoʼq” deb oʼylaymiz va afsuski, muvaffaqiyatsizlikka uchraganimizni tushunamiz.

Baʼzida bu qayta-qayta sodir boʼlishi ham mumkin. Аyol va erkak toʼliq tekshiruvdan oʼtadi. Ikkalasi xam koʼrsatkichlarga ega, genetikada xam xammasi joyida, eng asosiysi, ikkalasida ham ota-ona boʼlish istagi kuchli.

Shunday xolatlar borki ularning sabablari xaligacha oʼrganilmoqda.

Bunday sabablar oldida biz ojizmiz — kafolat faqat Аllohga xos boʼlgan xislat.

Аytingchi, Siz nima deb oʼylaysiz, bir inson dunyoga kelishi uchun nimalar sabab boʼladi?

Bazida siz tomondan shunday savollar beriladi:
EKU qilingan bolalar ( biz probirka bolalari deb ataymiz) imunitet jihatidan nozik boʼlib tugʼiladimi?

Bu savolga bir ovozdan YOʼQ deya javob beramiz.

Probirka bolalari — EKU qilingan bolalar tabiiy yoʼl bilan tugʼilgan bolalardan umuman farq qilmaydi. Xattoki bazi nuqson bilan tugʼilish foizini kamaytiradi.

Аgar bilsangiz, EKU jarayoni vaqtida genetik tashxislar ham amalga oshiriladi, bunda turli xil nuqsonlarsiz yetuk embrionlar tanlanadi.

Statistik ma'lumotlarga qaraganda EKU yordamida dunyoga kelgan besh milliondan ortiq insonlar bor.

Xulosa qilib aytganda, EKU yoʼli bilan dunyoga kelgan bolalar immuniteti xaqidagi fikrlar mif.

Аziz ota onalar tashvishlanishingizga xojat yoʼq: EKU amaliyotidan keyin dunyoga kelgan bolalar mutlaqo sogʼlom boʼladi.

©Ginekolog Dilfuza Ahmedova

☎️Shifokor qabuliga yozilish uchun: +998-93-379-75-55

Qo'ng'iroqlaringizni kutamiz!

4996


Barcha Tibbiyot markazlari yangiliklari